एकता पॅनलने सर्वानुमते विजय भोईर यांची अध्यक्ष म्हणून निवड झाल्याचे जाहीर ।

डोंबिवली : डोंबिवली महानगरपालिका सेवक वर्ग सहकारी पतपेढी मर्यादित संचालक मंडळ निवडणूक २०२५-३० च्या निवडणुकीत एकता पॅनल विजयी झाले. तब्बल ५८ वर्षानी ही निवडणूक पार पडली. डोंबिवली पूर्वेकडील हभप सावळाराम क्रीडा संकुलामधील सुरेंद्र वाजपेयी बंदिस्त सभागृहात झालेल्या निवडणुकीत एकता पॅनल दमदारपणे निवडून आले होते. गुरुवारी एकता पॅनलने सर्वानुमते विजय भोईर यांची अध्यक्ष म्हणून निवड झाल्याचे जाहीर केले. त्यानंतर पश्चिमेकडील डोंबिवली महानगरपालिका सेवक वर्ग सहकारी पतपेढीच्या कार्यालयात अध्यक्ष पदाचा पदभार स्वीकारला यावेळी पतपेढीतील पदाधिकाऱ्यांनी विजय भोईर यांचे पुष्पगुच्छ देवून व पेढे भरवून अभिनंदन केले. पुढील पाच वर्षाच्या कार्यकारिणीत अध्यक्ष – विजय भोईर, उपाध्यक्ष – शरद पांढरे, कोषाध्यक्ष – अनघा पवार, सचिव – गणेश गोल्हे कामकाज पाहणार असल्याचे नवनिर्वाचित अध्यक्ष विजय भोईर यांनी प्रसिद्धी माध्यमांना सांगितले.