कल्याण रेल्वे यार्ड रिमॉडेलिंग प्रकल्प प्रगतीपथावर, ऑक्टोबर मध्ये पूर्ण होणार प्रकल्पाचा पहिला टप्पा ।

डोंबिवली :  कल्याण लोकसभा मतदारसंघाचे खासदार डॉ.श्रीकांत एकनाथ शिंदे यांच्या पुढाकाराने मार्गी लागत असलेल्या कल्याण रेल्वे यार्ड रिमॉडेलिंग प्रकल्पाच्या उभारणीचे काम प्रगतीपथावर आहे. कल्याण रेल्वे स्थानकाला नवा आयाम देणारा सुमारे ८१३ कोटींचा हा  यार्ड रिमॉडेलिंग प्रकल्प सध्या जलद गतीने सुरू असून, या प्रकल्पाचा पहिला टप्पा येत्या ऑक्टोबर महिन्यात पूर्ण होणार आहे. तर येत्या दीड वर्षात उर्वरित काम देखील मार्गी लागणार आहे.  खासदार डॉ. श्रीकांत एकनाथ शिंदे यांच्या पुढाकारामुळे साकारत असलेला हा प्रकल्प पूर्ण झाल्यानंतर कल्याण स्थानकाचे रूप पालटणार आहे.

खासदार डॉ. श्रीकांत शिंदे यांनी कल्याण  मतदारसंघात सातत्याने पायाभूत सुविधा उभारणीवर भर दिला असून, रस्ते, पूल, जलसंधारण, शिक्षण, आरोग्य आणि क्रीडा क्षेत्रातील अनेक प्रकल्प यशस्वीरित्या राबवले आहेत. यामुळे कल्याण लोकसभा मतदारसंघातील वाहतुकीला वेग आला आहे. तसेच मतदारसंघातील विविध मेट्रो उभारणीची कामे देखील वेगाने सुरु आहे. यामुळे येत्या काही वर्षात कल्याण, डोंबिवली तसेच अंबरनाथ आणि बदलापूर येथून नागरिकांना ठाणे, मुंबई अत्यंत कमी वेळेत पोहचता येणार आहे.  नागरिकांचा रेल्वे प्रवास सुखकर व्हावा यासाठी खासदार डॉ. श्रीकांत शिंदे यांच्या पुढाकाराने दिवा ते ठाणे दरम्यान पाचव्या – सहाव्या लाईन काम मार्गी लागले. यामुळे लोकल आणि एक्सप्रेस यांना स्वतंत्र मार्गिका उपलब्ध झाल्याने लोकल वाहतुकीला ही वेग प्राप्त झाला आहे. तर कळवा ते अंबरनाथ येथील सर्व रेल्वे स्थानकांवर विविध पायाभूत सुविधांची उभारणी ही करण्यात आली आहे. कल्याण रेल्वे यार्ड रिमॉडेलिंग प्रकल्पाच्या उभारणीचे काम प्रगतीपथावर आहे. कल्याण रेल्वे स्थानकाला नवा आयाम देणारा सुमारे ८१३ कोटींचा हा  यार्ड रिमॉडेलिंग प्रकल्प सध्या जलद गतीने सुरू असून, या प्रकल्पाचा पहिला टप्पा येत्या ऑक्टोबर महिन्यात पूर्ण होणार आहे. तर येत्या दीड वर्षात उर्वरित काम देखील मार्गी लागणार आहे.  खासदार डॉ. श्रीकांत एकनाथ शिंदे यांच्या पुढाकारामुळे साकारत असलेला हा प्रकल्प पूर्ण झाल्यानंतर कल्याण स्थानकाचे रूप पालटणार आहे.

या प्रकल्पामुळे  लांब पल्ल्याच्या आणि उपनगरीय गाड्यांच्या मार्गिका स्वतंत्र होऊन गाड्यांची गती आणि वेळेची अचूकता वाढेल.  प्लॅटफॉर्मची संख्या वाढून प्रवाशांची गर्दी कमी होईल. रेल्वे फेऱ्यांची संख्या वाढवणे शक्य होईल. विमानतळाच्या धर्तीवर आधुनिक सुविधा मिळतील. बोगद्यातून होणारा पायी प्रवास बंद होईल. प्रवाशांना थेट होम प्लॅटफॉर्मपर्यंत वाहन घेऊन जाण्याची सुविधा मिळेल